30.06.2012

Baba Pünhana nəzirə


Laçın Məmişov


Ey çərxi fələk bir belə dövranına bir qoz
Şeytan oturan çərxi dəyirmanına bir qoz


Baba Pünhan


Ey çərxi fələk bir belə meydanına bir qoz
Meydan qoruyan yırtıcı heyvanına bir qoz 


Bir söz deyə bilmirsə əgər alimi ürfan
Sözsüz, dili lal alimi ürfanına bir qoz 


Dərdin diləməyçin elə formalnısa ünvan
Formalnı dəva eyləsə, loğmanına bir qoz 

Mindirməyə müşkül iş imiş qüvvəyə fərman
Qüvvə minəcəksə, elə fərmanına bir qoz 


Bir kaşa varit eylədi məlhəm, guya bom-boz ?
Boz rəngli dəvə dəlləyi, dərmanına bir qoz 


Bəy heyvagülü rəqs elədi, müəllimi dinqoz
Dinqozdan olan sevgili cananına bir qoz 


Verdiksə şəhid yüz igidi "sülh" rejimində
Bir kəlmə, rejim getdiyi minvalına bir qoz


Yazmış qoza bir namə Baba bir qədər öncə
Səndən də Laçın qozbelin oğlanına bir qoz


Şamaxı şəhərinin Bakı əyaləti 30 iyun 2012-ci il

Комментариев нет:

Отправить комментарий