İbrahim Sel
Xalq acından qırılır və ölkə
məhvə doğru sürüklənir
1993-cü ilin iyun hadisələri..."Qurtuluş
günü”. Bu sualın cavabını axtarıram. Kim qurtuldu? Kimdən qurtuldu? Bəlkə
kimlərsə səfillikdən qurtuldu? Lakin bu suallara cavab tapmaq bir az “kriminal”
ola bilər.
Mən özümü
tanıyandan dövran getdikcə pisləşir. İş yerləri getdikcə azalır, kasıbların
haqqı getdikcə daha da tapdalanır. Avtobusa möhtac sərnişinlərinin də sayı
artır.
Bəli,
qurtulduq. Amma kimdən? Nədən? Qarabağmı düşmən əsirliyindən qurtuldu? Yoxsa
müharibə zamanı əsir düşmüş ana-bacılar? Kim nədən qurtuldu?
Yoxsa ədəbiyyat
müəllimi məktəbdən qurtulub var-dövlət sahibi oldu? Övladlarına şəhərin
mərkəzlərində gözəl villalar tikdirdi, “pasledni” model mersedeslər aldı və
bunu qurtuluş kimi dəyərləndirdi?
Bu dəfəki
qurtuluş dalğasında müəyyən bir etnos qurtuldu desək daha düzgün olar. Görəsən
bəs xalqımız nə zaman qurtalacaq?! Ümumiyyətlə, xalqın belə gedişlə qurtulmaq
ümidi varmı?!
Qurtuluş o
zaman olacaq ki, Azərbaycan yad küləklərdən azad olacaq.
Mirzə Sabir
demişkən, “axı qanıram”. Tarixi vərəqləmək və gələcək nəslə ötürmək üçün
körpülərimi misal göstərək? Yoxsa yeni adı ilə sırıdılmış yamaq-yamaq yolları?
Yoxsa , yoxsa, yoxsa… Hamısını saymaqla sizi bezdirmək istəmirəm.
Kimlərsə bu
günü bayram edir? Qoy etsin. Buna qarşı çıxmıram. Amma bayram bizim bayram
deyil...
Sual olunur ki
bu qədər təbii sərvətlər ola-ola bu millətin çox faizi niyə belə kasıblıqla
dolanır? BTC-dən gələn milyonların xalqın rifahına təsiri isə heç də müsbət
deyil.
Pulların hara
xərcləndiyini şəhərin mərkəzi küçələrində 1 saat gəzdiyiniz zaman da görə bilərsiniz. Pullar ən son model avtomobillərdə və
bu avtomobillərin daha da yaxşı şütüməsi üçün yollarda və körpülərdədir,
villalarda və binalardadır. Adi camaatın durumu isə göz qabağındadır. Xalq
acından qırılır və ölkə məhvə doğru sürüklənir.
Azərbaycan
xalqı baş verənləri yerli “gözəl” telekanallara baxmaqla unudur. Şou-proqramlar
xalqın başını elə qatıb ki, evini də əlindən alsalar, dillənməz, ta ki
televizorunu əlindən almasınlar. Əlbətdə ki istisnalar da var.
Mən də bu
xalqın bir nümayəndəsiyəm.Bu xalqa çəkdirilənlərə isə artıq səbr etmək olmur.
Hər gün bir yol bağlanıb yenidən asfaltlanır.
Məqsəd isə ya yeyintidir, ya da ən axırıncı avtomobil markası almış şəxsin
avtomobilinin bu yolda sürətlə gedə bilməsidir.
Kür çayının
bölgələrə verdiyi ziyan isə Azərbaycan büdcəsinə təsir etmədi. Çünki büdcədən
qəpik-quruş ayrıldı. Bu da ki etiraz az olsun deyə. Baş verən kosmetik
tədbirlər isə rəsmiləşdirilir, böyüdülür və mətbuata təqdim olunur.
Statistika
Komitəsi xəbər yayıb ki, Azərbaycanda işsizlərin sayı çox azdır. Cəmi 40 min
nəfərdir. Əslində isə millətin yarısı işsizdir, az bir hissəsi isə çox az
maaşla dolanır. Qalanlarını isə qeyri-qanuni yolla pul əldə edənlərə aid etmək
olar (narkotik, fahişəlik, oğurluq, rüşvət,
qumar və s.). Hətta rəsmi dairələrdə də dilənçiliklə pul qazananlar var.
Qoy
telekanallar bütün günü dərd-azarımızı unutdurmaq üçün şou verilişləri
yayımlasınlar. Amma gün gələr, “zakaz”ın kimlər tərəfindən verildiyi aşkar
olar. Axı gün bulud altda həmişə qalmayacaq ki…
Günəşin bulud
altından çıxması ümidi ilə…
Комментариев нет:
Отправить комментарий