Türkiyədə 1 həftədə mindən çox gülənçi tutuldu

Təhlükəsizlik qüvvələri 220 terror əleyhinə əməliyyat keçirib. İslamazeri.az-ın RİA-ya istinadən verdiyi xəbərə əsasən, Türkiyə hökuməti ötən həftə 1096 nəfəri tutub. Onlar FETÖ terror təşkilatı ilə əlaqədə şübhəli bilinirlər. Onlardan 426-sı həbs edilib. Bu haqda məlumatı Türkiyə DİN-dən veriblər.
Dekabr ayının 19-dan 26-nadək Türkiyə təhlükəsizlik qüvvələri tərəfindən 1096 nəfər tutulub. Onlardan 426-sı həbs edilib. PKK tərəfdarlarına qarşı olan əməliyyatlarda isə 508 nəfər tutulub, onlardan da 78-i həbs edilib. Bu şəxslər isə PKK terror təşkilatına dəstək verməkdə şübhəli bilinirlər.
İŞİD-lə əlaqəli olmaqda şübhəli bilinən 78 nəfər də saxlanılıb ki, onlardan da 12 həbs edilib.
Qeyd edilir ki, Türkiyə təhlükəsizlik qüvvələri həftə ərzində 220 terror əleyhinə əməliyyat keçirib. Əməliyyatlar zamanı 4 terrorçu məhv edilib, 5-i isə zərərsizləşdirilib.
1960 qeyri-qanuni miqrant tutulub. Onlardan 419-u dənizdə tutulub. Miqrantların qeyri-qanuni daşınması ilə məşğul olan 29 təşkilatçı tutulub. Onlardan da 12 həbs edilib.