06.06.2011

Canlı klassikdən prikolnı şeirlər

Oxucuların xahişi ilə!


Murad Köhnəqala

Şerdəki oğlan
Şerdəki sevgiyə baxma,
zaddı…
əslində sevgi erkəkdi
Qaldı ki…
şerdəkinə inanma,
şerdəki sevgilər
şeydi…çox boynubükükdü
hərdən çox yoğundu
hərdən çox nərmənazikdi
Zaddı…
qorxağın biridi şerdəki oğlan
gopbazın yekəsidi
Nədi bunun adı…
ağlağan şeydi
başına vur əlindən al sevdiyi qızı
ağlağanın biridi
axmağın biridi şerdəki o…

Film
 
Mənim həyat filmim…
özüm öynayıram, əvət, baş rolda
dublyorsuz, kaskadyorsuz…
özüm eləyirəm
ən qorxulu tryukları da…
qrimsiz oynamışam həmişə
yüngülvari bir bığ qoymuşam,
vəssəlam…!
Vuruş, döyüş səhnələri
görüş səhnələri
xəyanət səhnələri, öpüş səhnələri
xəcalət səhnələri…
Biletlər satılır kassalarımda
Küçə
Ağzında zibil küçə
ağzının sözünü bilməyən küçə
qalstuklu kişilər küçə
kirli pişiklər küçə
bağırsağında dilənçilər küçə
bığlı küçə
fırtığlı küçə
göbəyi açıq küçə
bir şüşə arax küçə
Şuşa yox küçə
Vətən küçəsi
küçə Bakısı
şair küçəsi
küçə şairi…
Qarət
Hamı əllər yuxarı!
Tez olun!
Tez!
Əllər yuxarı deyirəm!
Əlləriniz boyunlarınızın ardına!
Ey, siz, ağzı üstə yerə uzanın!
Tez olun!
Tez!
Sözə baxmayanı güllələyəcəm!
Sən bura gəl!
Hə, sən.
Cəld ol, vitrindəki bütün qızılları
bu çantanın içinə yığ!
Hə, bütün vitrinləri və bütün qızılları!
Əldən diri ol!
Heç kim başını qaldırmasın!
Sən işində ol!
Bütün vitrinləri və bütün qızılları!…
Qudurublar, qızıl satırlar,
Millət acından batır,
bunlarsa qızıl satır!
Xristiansan irsafın hanı
müsəlmansan xümsün zəkatın hanı
Kassadakı pulları da bura say, cəld ol!
Hələ sənin böyüyünlə danışacam!
Hörmətli oxucum,
şer ləzzət elədimi sənə,
mən ölüm?
Mən necə ölmüşəm
Birinci versiya:
Heç vaxt özümü asmazdım
sən nə danışırsan
yəqin qabaqca boğub öldürüblər
sonra meyidimi asıblar isti-isti
guya özümü asmışam
kəndirin ilgəyinə baxsana
mən belə kobud iş görmərəm axı…
dəqiq bayaqkı söhbətdi
İkinci versiya:
Ola bilsin yaşayıb ölmüşəm
öz acalımla
yaşamışam, qocalmışam,
yorulmuşam, ölmüşəm,
məndə belə şeylər çox olur
ancaq yenə inanmıram
mən olam
oturam acalımı gözləyəm…
öldürüblər məni çox ustalıqla
Üçüncü versiya:
Yüz faiz
fikirdən ölmüşəm
heç kim tanımasa da
mən özümü yaxşı tanıyıram
yəqin dözəmməmişəm…
deyirəm axı
mən hər mənasız xəstəlikdən ölmərəm
allah öyünü yıxsın
infarktı çıxardanın
Dördüncü versiya:
Öz canım üçün
məni zəhərləyiblər
bilməsəm demərəm vallah
arağıma zəhər qatıblar
kim olacaq
həmişə yeyib-içdiyim adam
yoxsa heç bu yaşda
ölərdimmi mən
Beşinci versiya:
Deməli
iki nəfər olublar
biri çöldə qarovul durub
silahlı tayı isə podyezddə dayanıb
mən binaya girəndə
sol qolunu arxadan
boğazıma dolayıb
sağ əlində tapança
düz ağzımın içinə atıb gülləni
doğrusu
çox hətərən-pətərən
danışırdım son vaxtlar
Nə başınızı ağrıdım
mənim bu ölümüm də
çox müəmmalı oldu…

Комментариев нет:

Отправить комментарий