UNUTDUM YERİMƏYİMİ...

Xosrov Barışan

Unutdum yeriməyimi,

                                  Çaşdım!

Axırdı sinəma pərdələri gözlərimdən!

Addım atdıqca yolum səslənirdi.

"Təbriz"in xiyavanları bir trajediylə bitirdi;

"Bahar ağzı, Saat qabağı, Rasta küçə, Şəhnaz"...

Sən hər bir dalğa titrəyişimdə oğulurdun!

Mən hər damla göz yaşımda boğulurdum.

Sən bir melodram yaşamaqdaydın.

"Urmu" dənizciyi umudum.

Unutdum yeriməy

                                 Susdum!

Adım bütün telsizlərdə qaçırdı!

Ayaqlarım dalımca sürünürdülər!

Bütün "sms"lərimi silmişdim;

Mənə yolladıqlarıvı,

                    Yollamadıqlarıvı!!!

Sağırlıq yağırdı göylərdən,

     Sən sözlərimdə ıslanmışdın.

Unutdum yeriməyimi,

                              Bağışla...

Çeynəlib,

     Tüpürüldüm,

         Ən çırkin ağızlardan,

                         Dadı sorulmuş

                                  Saqqız kimi!

Bağlanırdı çaldığım bütün açıq qapılar!

Kafər görüntüsündə görünürdüm bütün ayfonlarda!

Peyqəmbərimi şeytan toru məndən ayırmışdı.

Unutdum yeriməyimi, itdim

Beyinimi bir fikir sərxoşluğuna məzə etmişdi!

Bir maşında "Mən bu gecə ölməzsəm..." mahnısı,

Yapraqlar adam kimi ağaclardan asılmışdı!!!

Gözlərim pırtlayıb,

           Vucudum qaralıb,

                        Sür,ətim makzimoma çatmışdı.

Son durağı səsləməkdəydi darqaşayırd bir şofer.

Mən alçalırdım hündür binalar önündə.

Unutdum yeriməyimi,

                           Utandım...

                                Utandım...

Sevişirdim yastığımla..,

     Yorqanımla opüşürdüm..,

                 Xəyalın boylu qalmışdı!

qabağımda durmuşdun,

     "Təbriz" görünməyirdi.

Özü də yay fəsliydi,

                  Titrəyirdim..,

                        Titrəyirdim..,

                              Ancaq üşüməyirdim!!!

Bir cəhəndəm idi bütün fəsillər!

Gözlərim asqırırdı.

Sənə lab ağladığım şeirimi yazırdim.

Cım-cılaqdım.

   Islaq xiyavanlar parlayırdı;
       "Bahar ağzı, Saat qabağı, Rasta küçə, şəhnaz"...

                                                           Gözlərin parlayırdı.

Yağış yağmayırdı..,

                  Yağmayırdı...

Bütün qanovlardan qanım axırdı!

"Tirəxtur" uduzdurulmaqdaydı!!!

                     İstadıyom qıp-qırmızı, al, al...

Sözcüklər baş qaldırırdı,

       Şeirim moddan düşmüşdü!!!

Soruşurdular;

         Xitab etdiklərim:

              ((köksündəki pompanın dəyəri neçə?!))

Unutdum yeriməyimi,

                         Yoruldum.

Tilfunda "A. Uğur olgar"ın səsi.

Otuz-bir saat durmadan səsləyirdi "İstanbul" məni.

İldik salırdı yoluma qar!

Yuxumda səni görürdüm,
                                  Danışırdıq.

Ağzıvı yumdun "İstanbul" başladı.

"Ak saray"la "Gəcil" birləşmişdi!!!

Kapitalistlə birləşmişdi proltarya!

Yoxsul bir hotel quylamışdı arzılarımı!

Pulsuz-parasız qalmışdım.

Pul verib otuz-bir çəkmişdim!!!

Uşumuşdum...

       Uşumuşdum...

                Titrəməmişdim ancaq.

Həsrətin mə,sum bir ətənə kimi bilməm necə doğulmuşdu!?

Xiyavanların adların saymaqdaydım;

Bir, iki, üç, dörd...

Hesab-kitabımda kırıxmışdım!!!

İflas etməkdəydim.

Unutdum yeriməyimi,

                          Cumdum!

Bütün "player"lərdə səsivi dinləyirdim.

"Vəngog"un qulağın bir fahişədən satın almışdım.

Bütün yazdıqlarım çalxalanırdılar!

Çolaq bir qarışqa yeriməkdəydi,

                           Ucunda qələmimin!!!

Adın mark olmuşdu bütün qaçaq mallara!

İzlərivi axtarırdım.

Lal sözcüklərim dil açıb dəli olurdular!

Ösgürürdüm sinəmdəki sözləri.

Artıq anlaşılmaz bir şeirə dönüşmüşdüm.