Arzu Abdulla
Rəşid Behbudov adına Mahnı Teatrında “Yaxşıların yaxşısı-2012” milli mükafatı
paylanıb. Doğrusu, bu barədə xəbər verən sayt adıçəkilən mükafatın hansı qruma
və ya şəxsə aid olduğunu açıqlamır. Bəzi nominantlara baxanda mükafatın necə
girdirmə olduğu bəlli olsa da tədbirin nüfuzlu iştirakçıları adamı çaşbaş
qoyur.
Rəşid Behbudov adına Mahnı Teatrında “Yaxşıların yaxşısı-
Bu ilki
mükafatçılar arasında ən çox diqqətimi çəkən isə yerli telekanalların reklamı
sayəsində bütün ölkədə, “məmə” deyəndən pəpə yeyənə qədər hamının yaxşı tanıdğı
falçı Yeganə oldu. Falçı Yeganə hansı məziyyətlərinə görə mükafat alıb onu dəqiq
bilmirəm, dəqiq bildiyim odur ki, artıq cahan mülkündə heç bir mükafatın
doğruluğuna inamım qalmayıb.
Bizim məmləkətdə otu itin, əti atın qabağına qoyanlar çoxdur və bu hal bizim üçün çox adiləşib. Falçı Yeganənin “Yaxşıların yaxşısı” seçilməsi minlərlə insanın qanına qəltan olunmasında birbaşa əli olan Mixail Qorbaçovun Nobel Sülh Mükafatı almasına bənzəyir.
Bizim məmləkətdə otu itin, əti atın qabağına qoyanlar çoxdur və bu hal bizim üçün çox adiləşib. Falçı Yeganənin “Yaxşıların yaxşısı” seçilməsi minlərlə insanın qanına qəltan olunmasında birbaşa əli olan Mixail Qorbaçovun Nobel Sülh Mükafatı almasına bənzəyir.
Ümumiyyətlə, bizdə
mükafat almaq, müsabiqədə qalib gəlmək çox “milliləşib”. İslam dinində falçılıq
çox böyük günah sayılır. Siz dini kitablardan tanış olduğunuz Fironun hər il
qeyd etdiyi falçı bayramlarını xatırladınızmı? Bu prinsipcə, bu gün bizim
telekanallarda reklam olunan falçı yarışmalarının təməli idi.
Müqəddəs Qurani-Kərimin
Fəlaq surəsində isə deyilir ki, “məni cadu edib, düyünlərə üfürənlərin şərindən
qoru”.
Gerçəkdən insan
yalnız kimliyini anlayanda onda özünə hörmət hissi yaranır. Bunu bu yaxınlarda
bir daha dəqiqləşdirdim. Hazırda yaşadığım mənzil məşhur falçılardan birinin
evinə çox yaxındır. Qonşuluqdakı ağacın gölgəsində qoyulmuş skamyada bəzən səhər
saat 5-dən növbəsini, falçı xanımın şirin yuxusundan oyanacağı anı gözləyən
qadınlar oturur. Saatlarla fırıldaqçılıqla var-dövlət sahibi olan bir falçını
gözləyən adamın içində sadəcə Allah sevgisi və özünə hörmt hissi yoxdur.
Falçını tərifləyib
ona yaxşıca “kliyent” yığan telekanalı da, onun rəhbərini də, verilişin
aparıcısını da bir sözlə ifadə etsək, “allahsızdır” kəlməsi yetər. Axı bu ölkəyə
falçı gərəkdir?
Niyə bu məmləkətdə
“Yaxşıların yaxşısı” həkim, tələbə, müəllim, alim deyil, falçı və manıs
olmalıdır?
Dəqiq yadımdadır,
falçı Yeganə 2011-ci ildə Evrovision mahnı yarışmasında ölkəmizi təmsil edən
Nigar Eldar cütlüyünün qalib gəlməyəcəyi proqnoznu vermişdi. Amma göründüyü
kimi proqnoz özünü doğrultmadı. Hətta bundan sonra da bu falçının reytinqi düşmədi.
Çünki bəzi telekanalların bütün qıfıllarına pul adlı bir açar düşür.
Bir həftə öncə Nəsimi
rayonunda yerləşən “Koala” parkında bir dəstə qaraçı balasının fırıldağının
şahidi oldum. 10-11 yaşlı qaraçılar kimin əlində dondurma görürdülərsə istəyirdilər.
Dondurmasını verməyənlərin əlindəki dondurmaya əllərini sürtüb “yemə, əlimi
vurdum, ver mənə” deyirdilər. Beləcə qaraçı uşaqlarının əlləri dolmuşdu dondurma
ilə.
Maraqlı mənzərə idi əslində. Sadəlövh adamlar
“qaraçının əli dəydi” deyib əllərindəki şirin tikələrini rahatlıqla, bəziləri
isə gülümsəyərək qaraçılara verirdilər. Elə bil borclarını ödəyirdilər. Bu rəzilliyə
etiraz edən də yox idi. Ən azından dərs olsun deyə, dondurmanı zibil qutusuna
da atmaq olardı.
Baxın, o anda
yadıma telekanallardakı rüsvayçı verilişlər və bu verilişlərdə reklam olunub
“kliyent” tapan manıslar, falçılar və onlardan daha qorxulu, fırıldaqçı olan həkimlər
düşdü.
Belələri həyatımızın
şirinliyini qapırlar. Yəni əllərini, yağlı dillərini uzadıb murdarlayır, sonra
isə aslı duruma salırlar. Mənə gəlincə, hər kəs Tanrısına ilin ən yaxşısı
olduğunu sübut etməyə çalışmalıdır özlüyündə. O zaman aldadılmış, aşağılanmış
zavallılara heç rast gəlmərik. Axı Tanrı ilə insan arasında vasitəçi yoxdur.
Vasitəçi ancaq qəlbimizdir. Müqəddəs kitabda isə deyilir: “Tanrı insanın qəlbindəkini
biləndir”.
Комментариев нет:
Отправить комментарий