28.05.2012

KƏSİK-KƏSİK

Aliya Əsədova

OVUC-OVUC

Ovuc-ovuc...
Günəşin nuru, Ay işığı...
taleyin bir xoşbəxt günü
ömrün naxışı ....
qışın qarı
buz kimi dondurucu,
əriyəndə
yağış olur , dolur əllərimə
isladır,
ağladır adamı qədərincə
hıçqırıq , göz yaşı.....
ovuc-ovuc...... ovuc-ovuc....
              

                                                                        TİTRƏK-TİTRƏK

                                                                         Titrək-titrək.....
                                                                          əllər yarıuzanıqlı....
                                                                          nəfəs daralır təngiməkdən....
                                                                          yarpaqlar qorxur vaxtsız tökülməkdən
                                                                          hey əsdikcə...
                                                                          meh gələn kimi...
                                                                          insan qorxudan, ya sətəlcəmdən
                                                                          titrəyir titrədikcə
                                                                          qəzəbindən yanıqlı....
                                                                          
sətrin cümləsi, nidası
                                                                          titrək-titrək.... titrək-titrək....

                                                                             KƏSİK-KƏSİK

                                                          Döyüşdən qalan izdi cəngavər Baş Daşları,
                                                          Ələnib üstlərinə nəhəng qaya daşları.
                                                          Qayalaşıb, daşlaşıb əzalar kəsik-kəsik....
                                                                                 ********
                                                           Yarımçıq tarixləri zaman və məkansız ,
                                                           Döyüş məğlublar üçün yersiz və ünvansız.
                                                           Silib qərinələrdən illəri kəsik-kəsik....
                                                                                  ********
                                                            Doğmalığa can atır canı boyda qaliblər,
                                                            Bir döyüş silahına sarılıblar, gəliblər.
                                                            Əlləri, ayaqları, qolları kəsik-kəsik....
                                                                                 ********
                                                             Əbədiyyət dastanı yaradandı hər əməl,
                                                             Əlimdə yanan məşəl, qarşısında bir heykəl,
                                                             Yeni tarix quracaq , derisi kəsik-kəsik.....
                                                                                   ********
                                                             O məşəldə yanarkən intiqam həvəsləri,
                                                              İzn verməz sönməyə hər odlu nəfəsləri,
                                                              Əfsus , söndürür bəzən alovu kəsik-kəsik....
                                                                                 *********
                                                               Qorxu , hiddət içində tərpənir bax o iyrənc,
                                                               Başından keçənləri unudarsa bax bu gənc,
                                                               Sürünüb, sürünəcək sabaha kəsik-kəsik...
                                                               
Sürülüb , sürüləcək , sabahı kəsik-kəsik.....

Комментариев нет:

Отправить комментарий