Gedibdi; günlərimiz güzgülü, qəzəlli deyil,
Gedibdi, gəlməsi də şerə taydı, bəlli deyil.
Gedibdi, qış bürüyüb dağ–daşı; ağaclarda,
Daha bahardakı tək arxalıqlı – yəlli deyil.
Onu yaratdığı gündən gözü qalıb yerdə,
Göyün beheşti də artıq belə gözəlli deyil.
Deyirdim öldürəcək ayrılıq, mən ölmədim ah!
Ürəkdə olmaya sevgim də düz əməlli deyil!
Düş eşqə düşsən ölüm yoxdu, hey həyatdı daha,
Daha ömür dediyin əlli, yüz, yüz əllı deyil.
Комментариев нет:
Отправить комментарий