Sənin olmadığın yer

Günel Treu

Nə qaradı, nə ağdı,
Çox soyuğdu, sazağdı.
Məhəbbətdən uzağdı
Sənin olmadığın yer.

Cəhənnəmdən betərdi
Başdan başa kədərdi.
Nifrət etdiyim yerdi,
Sənin olmadığın yer.

Ürəyim kədər yeyir,
Göyüm-göyüm göynəyir.
Mənə darlıq eyləyir,
Sənin olmadığın yer.


Nə  qalası yer deyil,
Nə çəkilən dərd deyil.
Xarabadı, yurd deyil,
Sənin olmadığın yer.

Yarımçığdı, yarımdı
Sağalmayan yaramdı.
Mənim üçün haramdı,
Sənin olmadığın yer.