Dardi kəşedəm! (talışca şeir)

Rizvan Şıxizadə

Zımıstoni vaxt rəsə
Zəmin sipi bə ısə
Bə əvəsor nırəsə
Vılon dardi kəşedəm.

Ğəribon ruj dırozi 
Hejo bəben norozi
Bo vətəni tamarzi
Dılon dardi kəşedəm.

Çımı omə ro riyə
Moəm mandə bə diyə
Əçəy çaşo parziyə
Tılon dardi kəşedəm.


Voş zəmino esiyə
Honi ov, əbi biyə
Isət bə hışk qıniyə
Çolon dardi kəşedəm.

Xəzri sardon dəğandə
Gemıj doon eğandə
Çı voa jiyədə mandə
Xolon dardi kəşedəm.

Kali kəson osəmə
Kali kəson dərəmə
Bı milləti ruj bəmə
Yolon dardi kəşedəm

Dardi bəki erütüm?
Bəpe cayli bısütüm,
Dard i niki bıvotom
Flon dardi kəşedəm