Ujən oməy əvəsor (talışca şeir)

Mirfayaz Likməkani

Ujən oməy əvəsor,
Ujən vılon obedə.
De vılonnə bılbılon
Boğədə həmro bedə.

Diyə kardəş ha tərəf
Zımıstoni kardə məf.
Rost bedə tojə aləf
Çimənon bərpo bedə.

Bəd bə kəson dust bedə
Xəyəkonən tasbedə.
Vəyə xəbon rost bedə
Piyəkəson şo bedə.


Çı pəsə balon sədo
Boğo bılbılon sədo,
Əğılon, yolon sədo
Bə haton pevlo bedə.

Buredən qədə bijon
Kəfşənədəye mojon.
Covrə kuç kardə kijon
Bəməku pəydo bedə.

Bandonoy vayku nışon,
İd kardedə Tolışon.
Ğət ni sardə qemışon.
Həni qiləvo bedə.