24.05.2017

Rus olmasaydı indi Yupiterə uçardıq!

Feysbukda paylaşılan ən qalmaqallı fikirlər -68

Samir Tağıyev: Dünyada qibtə etdiyim iki ölkə var: İran və Rusiya. Uca Allah bizi və sizləri qorusun.
Vüsal Həsənəli: 40 ildi şəxsi həyatını qura bilməyənlər Böyük Turan qurmaq istəyir. Heyvanıva şükür, İlahi!
Sahil Qənbərli: Məsələnin kökü məlumdur- ölkədə kasıblar özlərini istismar olunan bir sinif yox, müvəqqəti olaraq iqtisadi böhran yaşayan milyonerlər olaraq görürlər.
Rauf Qubadov: Niyə hakimiyyəti, hətta muxalifəti də bir qrup yerlilərin təmsil etdiyini dilinizə gətirmirsiniz? Azərbaycan əsilli qalan bir-iki nəfəri də gözümçıxdıya salmaq vətənpərvərlikdimi?
Qəmlo Əsədullah: Fikir verirəm ki rusdilli əhali azalır, rus dilini yavaş-yavaş sıxışdırıb aradan aparmaq istəyirlər. Rus bölmələri azdır, get-gedə də azaldılır. Rayonlarda vəziyyət lap bərbaddır. Rus dilində təhsil alanlar olsa da, get-gedə bu əhatəni daraldırlar. Rus dilli əhalini məqsədli şəkildə azaldılır. Niyə? Bu əhalinin “tupoylaşdırma” siyasətinin istiqamətlərindən biridir.
Rəhim Həsənli: 28 mayda “Qarabağlılar” kafesi ilə “Şuşa” şadlıq sarayı arasında bir göl əmələ gəlib, təcili bütün gün osmanlı ləhcəsində yeməkdən konuşanlara demək lazımdır ki, bu gölə bir ad qoysunlar...
Musa Tukanov: Tarix bizə ruslara arxa çevirməyimizi bağışlamayacaq.
Arzu Abdulla: Əsrin əvvəllərində Bakıya neft iyinə gələn Nobel qardaşları Balaxanıda Qoturluq Xəstəxanası açırlar. Balaxanıda yerdən çıxan bulaqda bir dəfə çimən hər hansı dəri xəstəliyinə tutulmuş kəs o anda sağalır. Bu kimi əvəzsiz bulaqlar təkcə Balaxanıda deyil, Azərbaycanın çox bölgəsində var. Elə götürək Astaradakı yanar suyu və ya Lənkəranda, Masallıda, Kəlbəcərdə, Naftalanda, Kürdəmirdəki İsti suyu, Zığ qəsəbəsində yerləşən Duzlu göl, Xaltan sularını. Xarici ölkələrdən firma dərmanlarını gətirib zavallı xalqa sırıyanlar çox yaxşı bilirlər ki, bu firma dərmanlarının heç bir xeyri yoxdur. Daha ucuz və keyfiyyətli başa gələn müalicəni isə Tanrı bizə göndərib, özü də pulsuz, əziyyətsiz. Sanki uca göylərdən müqəddəs bir əl bir səbət şəfalı bulaqları, gölləri, çayları ölkəmizin üstünə səpib və bu müjdədən bütün bölgələrimizə pay düşüb. Bəs kimdir bizim ilahi payımızı yeyənlər? O kəslərdir ki, onlar bir dəstə “millətçi”, “türkçü”, “vətənpərvər” yetişdirib salıblar üstümüzə. Bu əslində baş qatmaq, gözdən pərdə asmaq üçün işlənmiş siyasətdir. Eynən Amerikanın siyasətinə bənzəyir. Gözümüzdən pərdə asırlar və bu pərdənin arxasında bizim hamımıza verilən sərvəti çırpışdırıb ciblərinə yığırlar.
Həmid Herisçi: Duqin Rusiyada 50-dən çox ciddi əsərin, monoqrafiyanın müəllifidir, o poliqlotdur, 11 dildə sərbəst danışır. Bu gün Duqin dövrü gəlib. Onun kimi dühanın ölkəmizə gəlişini alqışlayıram.
Rasim Hüseynov: Bəy deməklə deyil, bunlar zatən çurban gəliblər çurban da gedəcəklər. Elə bilirlər çulu dəyişəndə eşşək də dəyişib başqa canlı olur!
Orxan Həbibon: Stalin Hüseyn Cavid kimi satqınları öldürüb- bunun nəyi pisdi ki?!
Ceyhun Salahov: Almanlar bizi işğal etsəydilər qarət-talan eləyib, bir neçə ildən sonra xaraba qoyub gedəcəkdilər, ancaq Sovet hökuməti bizə elə bir tarix qoyub getdi ki, köhnə Azərbaycan xalqı hələ də o illərə Qızıl Əsr kimi baxıb, o günləri xoş xatirələrlə yad eləyir.
Əkrəm Məlikov: Səbr kasası daşıb. Daha dözmək mümkün deyil. Bu ölkəyə mütləq Putin öz xilas gücünü göstərməlidir.
Vüqar Məmmədov: Demokratiya bizlik deyil. Ondan danışmağa belə dəyməz.
Elxan Xəlilov: Basıb yeyən icra hakimlərini, eşşəklərinin ağzındakı dişləri də qızıldan olan nazir və harınlamış, qudurmuş, əsgərlikdə belə olmayan nazir balalarını görəndə şəhidlərin qanı yerdə qalmaz sözu gülməli gəlir mənə...
Fərid Cəfərov: Mən bildiyim qədər bizim müxalifət özünü demokratik, Qərbyönümlü azad müxalifət adlandırır, yəni ki hamı öz sözünü azad və demokratik formada deyə bilər və dediyi sözə görə (əgər təhqir deyilsə) heç kim mühakimə oluna bilməz. Amma mən bir şeyə əmin oldum ki, bu Qərbin dediyi demokratiya söz və hərflərin gözəl ahənglə ard-arda düzülməyindən başqa bir şey deyil. Deyərsiz ki, bəs bunu hardan kəşf elədin, qoy deyim: Əli Kərimlinin, Gültəkin Hacıbəylinin və adını çəkmədiyim digər üzdəniraq, özünü xalqın təmsilçisi adlandıran müxalifətçilər məni düz söz yazdığıma görə blok eləyiblər, bunu sınamaq istəyən şansını yoxlaya bilər.
Piri Baba: Talmud yəhudilərdən xristian və müsəlman ibadətgahlarının dağıdılmasını istəyir. Suriyada və Azərbaycanda yəhudilər bu işi öz sədaqətli nökərlərinin əli ilə edir. Avropada isə kilsələri yıxmırlar, içində diskoteka olan yerə çevirirlər. Sinaqoq isə uçurula bilməz. Uçurmaq olar, təkcə bu şərtlə ki yerində daha qəşəngi tikilsin.
Vasif Sirinov: Səudiyyə kimi dünyada ikinci şərəfsiz ölkə var sizcə?!
Aftandil Babayev: Qardaş, ruslarla SSRİ vaxti az qala 100 ilə yaxın bir yerdə yaşamışıq- nə tarixi düşmənbazlıqdı?! Bəs dostumuz kimdi? Türkiyə deyəcəksizsə, onlarla 500 ildən çox vuruşmuşuq osmanlı dövründə...
Cavid Məmmədzadə: Bakılı olmağın özü bir başqa xoşbəxtçilikdi...
Rəfail Vətəndaş: Azərbaycan hakimiyyəti Azərbaycan büdcəsindən külli miqdarda vəsaiti “İslamQumarOyun”larına xərcləyir. Əlilliyi olanlara isə 74 azn müavinət verir. Əlilliyi olan şəxslərin isə son ümid yeri ona qalıb ki, Dünya İslam Ölkələrinə və müsəlmanlar yaşayan ölkələrə müraciət edib xahiş etsinlər ki, onlarda yığılan fitrə-sədəqədən ölkəmizdə yaşayan əlillərə normal yaşamaları üçün müavinət ayırsınlar. Ölkəmizdə əlilliyi olan şəxslərə verilən müavinət onların kommunal xərclərini belə ödəmir!
Nəsimi Abdulov: Bilsəm ki aynanın qabağında durub dodağınızı qabağa verib büzüb şəkil çəkdirməklə ərə gedə bilərsiz, bir cehizdik güzgü də mən sizə hədiyyə edərdim. Elə məhz buna görə də bəzilərinə əlvidə deyib facebook dostluğumdan azaldıram... I am sory!
Roma Qobunski: Düş Tarqovıya, azəri fahişələr ərəb müştəriləri gəzirlər. Sovetski, Kubinka kimi qeyrət məskənləri söküləndən bunlar ayaq açdılar.
Kənan Əliyev: Bu qədər təsadüf ola bilməz axı, elə bu nazirlərin hamısı ya yeraz, ya naxçıvanlıdı. Daha necə başa düşürsüz düşün, bircə onu bilirəm ki, bu hakimiyyətdə oturanlar bu milləti qul yerinə qoyub, quldarlıq dövrü qayıdıb, özümüzün xəbərimiz yoxdu. Deyiləsi dərd deyil vallah, Azərbaycanın bu qədər sərvətləri ola-ola biz acından ölürük, pis gündə yaşayırıq.
Vasif Seyfullayev: Əfsuslar olsun ki, SSRİ dağılandan sonra az-maz təfəkkürü də aldılar bu millətin əlindən. Bədbəxtçilik ondadı ki, bu xalq konkret olaraq hələ də nə istədiyini heç özü də bilmir!
Tural Həmid: Azərbaycandakı jurnalistlərin əksəriyyəti propaqanda alətidir, savad deyilən şey yoxdu.
Zeynəb Cəfərli: Türklər kimi dostu olana düşmən lazım deyil...
Pərvin Cəfərzadə: İrana həkimə gedirdim. Bizim Astara gömrüyündəki dəmir barmaqlıqlarda ilişib qaldım. İlişmək deyəndə dəmirə iləşmədim, yüzlərlə insanın arasında sıxılıb qaldım. Demək orda dəmir turbalardan elə bir sistem düzəldiblər ki, mən həmin sistemdən Rusyanın Kaşırıskıy rayonunun Dankov kəndində fermada görmüşdüm. İnəkləri, qoyunları elə yerə salıb sağırlar ki, təpik zad atmasın.
Arif Quliyev: İndiki müxalifət də, o vaxtdan qalma bəylər də elə satqındırlar. Bu milləti aldatmağa, pula satmağa hazırdılar, necə ki satdılar həmişə!
Bəxtiyar Ağazadə: Azərbaycan iqtisadiyyatı bütün bu illəri, o cümlədən də indi 90 faiz neft, neft məhsulları və qazdan asılıdır, bunların da böyük qismini xam neftin satışı təşkil edir. Sovet vaxtı bizə keçərdilər: Sırovoy pridatok imperializma- bax biz indi ondanıq! Üstəlik əsas sıryo da tükənməyə doğru gedir.
Zərdüşt Əlizadə: Heydər Əliyevin gəlməsini labüd eləyən Əbülfəz Elçibəyin yarıtmaz siyasəti idi. Elçibəy və onun komandası Azərbaycanı elə dərin bir girdaba saldılar ki, xalq yolu Heydər Əliyevi çağırmaqda gördü.
Mənsur Həqiqətpur: Türkiyənin Qafqazdaki bütün fəaliyyətləri süni xarakter kəsb edir. Türklər Azərbaycan xalqının dostü deyil.
Təranə Əliyeva: Oxuyun Amerika həyatı haqqında. Orda böyük şəhərlərin elə məhlələri var ki, polis də girə bilmir. Narkotik, silah, hər şey... İldə neçə dəfə məktəblərdə silahlı hadisələr olur. Küçələrdə, metrolarda ömürləri keçənlər var...
Zahid Mikayılov: Sovet dövrü- alnımıza yazılmış ən böyük xoşbəxtlik idi. İndi o alına bədxahların güllələri tuşlanıb.
Müttəqi Bərməki: Sovetlərin vaxtında Novruz bayramını ilk dəfə təntənəli surətdə Şıxəli Qurbanov keçirmiş, Novruz bayramının milli bayram kimi qeyd edilməsinə isə Azərbaycanın ilk prezidenti Ayaz Mütəllibov sərəncam vermişdir.
De Lankoni: Əsəbimi qorumaqçün baxmıram ümumilikdə tv-yə, elə həmçinin bizim bəzi üzdəniraq saytlara da.
Fərhad Həsənzadə: Milliyətçiliyin dərəcələri var. Müəyyən dərəcədən sonra o adi faşizmə çevrilir, şovinizm dərəcəsi isə onun pikidir.
Nailə Cəfərova: İndi eşidirəm ki, guya milli hökumət qalsaymış Atatürk yolu gedəcəkmişlər. Sovet hökumətinin məcburi pulsuz təhsili olmasaydı, indi qadınlar savadsız, çadralı idilər, kasıb ailələrdən olan kişilərin əksəriyyəti adlarını belə yaza bilmirdilər.
Sadiq Fərzəli: Sos, sos, sos! Bilin və agah olun! İŞİD, Taliban, Əl-Nusra və digər terror qruplaşmaları İslam deyil, onların insanlığı, dini, imanı, insafı və Allahdan xəbərləri yoxdur, Amerikanın, İsrailın, İngiltərənin, Səudiyyənin İslamı gözdən salıb müsəlmanlığı məhv etmək üçün yaratdığı bandit dəstələridr. İlk sübutu budur: İŞİD niyə İslamın və İŞİD-in Əhli-sünnə qardaşları olan fələstinlilərin düşməni sayılan İsrailə kurşun atmadı?! Çünkü İŞİD sahibinə kurşun ata bilməz! Allah zalilmlərin və onlara dəstək olanların bəlasını versin!
Nadir Qocabəyli: İlk növbədə Rusiya ilə qonşuyuq və 200 illik siyasi, iqtisadi, mədəni və mənəvi birliyimiz var. Biz bu birlikdən sözün əsl mənasında daha çox qazanmışıq. İtkilərimiz çox azdır və onlar elə rus xalqının öz itkilərinə paralel baş verib. Bu gün mövcud olan Azərbaycan xalqının formalaşmasına belə Rusiyanın, daha sonra SSRİ-nin tərkibində olmağımızın çox böyük təsiri olub.
Hikmət Babayev: Bir az savadı və həqiqəti deyəcək qədər ləyaqəti olan hər kəs deyər ki, Azərbaycan mətbuatı nə səviyyədədir. Rusu söymək az qala bu ölkədə vətəndaşlıq borcuna çevrilib. Nə zibil olur, onda ya rusu günahkar çıxardırlar, ya da farsı! Dəqiq məlum olsa belə bu oyunda başqa ölkələrin əli var, yenə də deyirlər... Bizim kanallara, xüsusən siyasi söhbətlərə 10 dəqiqədən artıq baxa bilmirəm, əsəbiləşirəm. Nə qədər yaltaqlıq, ikiüzlülük, özünü təmizliyə çıxartma var! Dünən İTV-də verilişə 3 dəqiqə baxdım... az qala AKP-nin vəkili rolunu aparırdılar, guya az qala bütün dünya AKP-yə qarşı birləşibmiş! Baxırsan, ruslar bizi 20-ci il işğal etməsəydi belə olardı, elə olardı... Bircə o qalır desinlər ki, rus olmasaydı indi Yupiterə uçardıq!..

Комментариев нет:

Отправить комментарий