Roman Məhərrəmli
Candan əziz canımızı görməmişik, sevmişik,
Biz hələ cananımızı görməmişik sevmişik.
Qaşı-qələm, qəddi-əlif, zülfü də lam, kaş görək!
Surəyi-Qur'anımızı görməmişik sevmişik.
Yek Əlidir, düdü Həsən, sədi Hüseyn- görmüşük,
Həştü-cəhar danımızı, görməmişik- sevmişik!
Qasid edib ahımızı hər dəfə göndərmişik,
Bir dəfə sultanımızı görməmişik- sevmişik.
Yarə vurub qəlbimizə həsrətinin xəncəri,
Ol Şəhi Xubanımızı görməmişik- sevmişik!
Sevsə də dövran bizi, dövranımızı sevmədik,
Sahibi-dövranımızı görməmişik- sevmişik.
Gözdə əgər varsa günah pərdəsi- düz görmərik
Gözdəki nöqsanımızı görməmişik sevmişik.
Комментариев нет:
Отправить комментарий