BUNLARI BİLMƏK MARAQLIDIR...

Vəkildən Pulsuz Hüquqi Yardım


Piyadanın yolu işıqforu gözləmədən keçməsi - 10 manat cərimə.
****
Şəhərlərdə və ya digər yaşayış məntəqələrində it, pişik və ya başqa ev heyvanlarının saxlanılması qaydalarının pozulması - 5-20 manat cərimə edilir.
****`
Heyvanlarla rəhmsizcəsinə davranmaqla onların şikəst edilməsi və ya tələf olunması - 25-45 manat cərimə edilir.
****
Təhsil müəssisəsində təhsilalana qarşı fiziki və (və ya) psixoloji zorakılığa yol vermə, təhsilalanların təhsil prosesi ilə bağlı olmayan işlərə və tədbirlərə cəlb edilməsi - fiziki şəxslər 100 manat miqdarında, vəzifəli şəxslər 300 manat miqdarında, hüquqi şəxslər 5000 manat cərimə edilir.

****
Yetkinlik yaşına çatmayan uşaqların tərbiyə və təlimi vəzifələrinin valideynlər tərəfindən yerinə yetirilməməsi və ya lazımınca yerinə yetirilməməsi - xəbərdarlıq edilir və ya 20-40 manat cərimə edilir.
****
Qanunvericiliklə müəyyən edilmiş sanitariya normalarının və qaydalarının, gigiyena normativlərinin nəqliyyatda pozulması -
30-50 manat cərimə.
****
Tibbi, kosmetoloji, bərbərxana xidmətləri, eləcə də qan və digər bioloji mayelərlə təması nəzərdə tutan digər xidmətlər göstərilərkən universal təhlükəsizlik tədbirlərinin pozulması - fiziki şəxslər 300 manat, vəzifəli şəxslər 500-700 manat, hüquqi şəxslər 2000-2500 manat cərimə edilir.
****
Yetkinlik yaşına çatmayanların öz valideynləri və ya başqa şəxslər tərəfindən sərxoşluq vəziyyətinə gətirilməsi - 20-35 manat cərimə.
****
Təbii qazın, elektrik və ya istilik enerjisinin talanması nəticəsində az miqdarda (1000 manatadək) ziyan vurulması və ya onlardan məişətdə istifadə qaydalarının pozulması - fiziki şəxslər 30-40, vəzifəli şəxslər 70-90 manat, hüquqi şəxslər 250-300 manat cərimə edilir.
****
Nəqliyyatda biletsiz getmə:
Trolleybusda, tramvayda şəhər və şəhərətrafı avtobusda marşrut taksisində - üç manat cərimə.
Şəhərlərarası marşrut üzrə hərəkət edən avtobusda - 10 manat cərimə.
Dəmir yolu nəqliyyatında sərnişinlərin biletsiz getmələrinə görə - 15-30 manat cərimə
****
Mal satan və ya əhaliyə xidmət göstərən təşkilatlarda, həmçinin ticarət (xidmət) sahəsində fərdi sahibkar kimi qeydə alınmış şəxslər tərəfindən malın (xidmətin) ölçüsünə, çəkisinə, hesabına, habelə istehlak xüsusiyyəti və ya keyfiyyətinə dair istehlakçıların aldadılması (40 manatadək) - fiziki şəxslər 600 manat, vəzifəli şəxslər 1000 manat, hüquqi şəxslər 3000 manat cərimə.
****
Fahişəliklə məşğul olmaq - 30-40 manat cərimə.