Bax bizə elə bu ləkə yaraşır

Aytən Nəsibbəyli

Aygül Qurbanova üçün

Biz gözəlliyi şeirlərdə gördük, Balaca.
Şeir kimi yaşadıq
Sevgini də,
Kədəri də.
Əllərinə bax.
Gördüyün ləkədədir gözəllik.
Tutduğun qələmdir o.
Onlar anlamazlar.
Gülərlər.
Gəl onları bağışlayaq, Balaca!
Qalmasın kimsədən heç bir
zərrə,
tikan daha.
Üzümə bax,
əllərimə.
Qollarım eləcə mürəkkəb yazısıdır.
Bax bizə elə bu ləkə yaraşır, Balaca.
Ağlama.
Yum gözlərini. Bir şeir de.
Dincələk, Balaca.