Qəlbimin nokəridir əqli-kəmalım hələ də,Mənə həmdəmlik edir dərdü-məlalım hələ də.
Tükənib göz yaşım artıq qəmi-hicranda, fəqət
Yetməyir dadıma ol qaşı hilalım hələ də.
Xeyli aşiq sevib öz yarın olmuş vasil,
Niyə bəs yaddı mənə bəzmi-vüsalım hələ də?!
Məhbəsi-eşqə əsir olduğu andan könlüm,
Gülməyib bir kərə məhzun’ cəmalım hələ də.
Min gözəl dövr eləyə başıma,baxmam birinə,
Çünki, ol yarı gəzir fikri-xəyalım hələ də.
Ehtiyatla qoruyur qəlbin oğurlanmaqdan,
Neçə cəhdim puç olub, yoxdu macalım hələ də.
İsa, axtarma əbəs çarə əzabi-eşqə,
Tapmayıb çarəsini çünki, bir alim hələ də.
Комментариев нет:
Отправить комментарий