27.12.15

Amerikançılıq nədir -9

IX yazı: ABŞ filmlərində adətən biznesmenlər, quldurlar və fahişələr təbliğ olunur

Hiyləgər Tavistok təşkilatı çoxlu ziyalı zombiləri televiziyada yerləşdirilən səthi informasiyalar vasitəsilə ələ keçirir

 Əksər müasir fimlərdə üç növ personajlar çıxış edir: biznesmenlər, onların ovuna çıxan quldurlar, onlara xidmət edən fahişələr. Doğrudur elə filmlər var ki orada yalnız biznesmenlər və onların ailə üzvləri görünür (məsələn, Meksika serialları belə olur). Elə filmlər də var ki orada qəhrəmanlar ya quldurlar, ya da fahişələr olur. Elə filmlərə də rast gəlmək olur ki əsas rol sadə sürücüyə və ya polisə ayrılır, bununla belə bütün ekran boyu onlar biznesmenlərlə, quldurlarla, fahişələrlə ünsiyyətdə olurlar- bəzən elə personajlarla əlaqədə olurlar ki yaxşı olaydı film biznesmenlərə həsr olunaydı. Bu bizi əhatə edən gerçəkliyi əks etdirir. Zəmanəmizin qəhrəmanları bunlardır: quldur, soyğunçu, fahişə, killer və ya fırıldaqçı- böyük pressanın, kitabların, filmlərin, televiziya verilişlərinin “dəbdə olan” qəhrəmanları bunlardır və bu cür vəziyyət təkcə ABŞ-ın real həyat tərzi deyildir. 
 Son zamanlar adamlar sürətlə dəyişirlər -adamları məhz pis modelə çevirmək istəyirlər- ondan pataloji qəddar adam yaradırlar. Amerika məktəblərində yeniyetmələrin bir-birini və müəllimləri odlu silahla öldürmələri ilə çoxdan heç kimi təəccübləndirmək olmur- indi uşaqlar artıq uşaq bağçasında qatilə çevrilirlər. Ən qanlı tarix 1999-cu il aprelində Ziffitonda məktəblilərin qətlə yetirilməsi olmuşdur. Həmin vaxt iki yeniyetmə avtomat silahdan atəş açaraq məktəbliləri qətlə yetirmişlər- 15 nəfər ölmüş, 23 nəfər isə yaralanmışdır.
 ABŞ-da ən gənc qatil Maunt-Morrisdən olan birinci sinif şagirdi olmuşdur- 2000-ci il fevralın 29-da pistoletdən açılan atəşlə sinif yoldaşlarını qətlə yetirmişdir.
 Bu cür hadisələr hər il baş verir- o artıq ənənə halını almışdır. Əgər 1995-ci ildə bu cür hadisə bir dəfə qeydə alınmışdırsa, 2005-ci ildə artıq üç belə hadisə törədilmişdir. İllər keçir, rəqəm göstəriciləri durmadan artır- lazımi təşkilatlar bunların qarşısını almaq əvəzinə statistika ilə məşğul olmağa üstünlük verirlər. 2006-cı ildə bir neçə həftə ərzində Amerika məktəblərində bir-birinin ardınca üç qanlı hadisə törədildi; beş nəfər öldürüldü, bir nəfər ağır yaralandı. Connecticut əyalətində məktəbə edilən qanlı hücum 20-si uşaq olmaqla 27 adamın ölümünə gətirib çıxardı.
 Bənzər olaylar ABŞ-da tez-tez baş verir. Bu hücumlardan internetdə tapdıqlarımız bəzilərini oxuculara təqdim edirik.
 1 avqust 1966: ABŞ-ın Texas Universitetinin saat qülləsindən ətrafa atəş açan Charles Vhitman, 16 adamı öldürərkən, 31 adamı da yaralamışdı.
 12 iyul 1976: ABŞ-ın Kaliforniya State Universitesinin kitabxana gözətçisi Edvard Charles Allavay 7 iş yoldaşını öldürmüş və 2 adamı yaralamışdı.
 18 iyul 1984: ABŞ-ın Kaliforniya əyalətindəki işsiz qalan keçmiş təhlükəsizlik əməkdaşı James Oliver Huberty hamburger satan bir restorana açdığı atəş nəticəsində 21 adamı öldürdü. Qatil snayperlər tərəfindən öldürüldü.
 20 avqust 1986: ABŞ-ın Oklohoma ştatında Pat Sherrill 14 adamı qətlə yetirdi, sonda özü də intihar etdi.
 18 iyun 1990: ABŞ-ın Florida əyalətində xüsusi bir iş yerinin ofisində təsadüfi atəş açan Ceyms Edward Pough 10 adamı öldürüb 4 adamı yaralamışdı. Qatil daha sonra intihar etmişdi.
 16 oktyabr 1991: ABŞ-ın Texas əyalətindəki bir kafeteriyaya atəş açan Corc Hennard 23 adamı öldürmüş, 20 adamı yaralamışdı.
 20 aprel 1999: ABŞ-da bir liseyə edilən silahlı hücumda 13 adamı öldürən, 26 nəfəri yaralayan Eric Harris (18 yaş) və Dylan Kleboldun (17 yaş) ən az 500 adamı öldürməyi və daha sonra bir təyyarə qaçıraraq New-Yorka salmağı planladığı ortaya çıxmışdı. İkisi də törətdiyi cinayətin sonunda məktəbin laboratoriyasında intihar etmişdi.
 16 aprel 2007: ABŞ-dakı Virciniya Texnologiya Universitetində 32 adamı qətl edərək sonda özü də intihar edən Seung-Hui Chonun psixoloji müalicə aldığı ortaya çıxmışdı.
 10 mart 2009: ABŞ-ın Alabama əyalətində ailəsi, qohumları və əyalət şərif müavini daxil 10 nəfəri atəş açaraq öldürən Michael McLendon, daha sonra intihar etmişdi.
 5 iyun 2009: ABŞ-ın Texas ştatındakı Fort Hood hərbi bazasında silahlı hücum təşkil edərək 13 adamı öldürən, 42 nəfəri yaralayan mayor Nidal Malik Həsən, 13 ayrı cinayət iddiasından, 32 ayrı cinayətə təşəbbüs iddiasından mühakimə olundu.
 8 iyun 2011: ABŞ-ın Tucson şəhərindəki tədbir keçirilən zaman şizofreniyalı olduğu ifadə edilən Jared Lee Loughner xalqa silahlı hücum təşkil etmişdi. ABŞ Konqres üzvü Gabrielle Giffords daxil 13 adam yaralanmış, federal hakim John Roll, Giffordsun köməkçilərindən Gabe Zimmerman və 9 yaş bir qız uşağının da aralarında olduğu 6 adam ölmüşdü.
 20 iyul 2012: ABŞ-ın Kolorado əyalətində Betmen seriyasından olan “Qara cəngavər yüksəlir” adlı son filmin qalasında kütləyə atəş açaraq 12 adamı öldürən, 58 nəfəri yaralayan Ceyms Holmes edam cəzasına məhkum edilmişdi.
 5 avqust 2012: ABŞ-ın Visconsin əyalətinin Milvaukee şəhərində bir Siqh məbədinə atəş açaraq 6 adamı öldürən, 3 adamı yaralayan təqaüdçü əsgər Vade Mişel Page, daha sonra intihar etmişdi.
 14 dekabr 2012: 20 yaşlı Adam Lanza Nyutaun şəhərindəki orta məktəblərdən birində atəş açaraq azı 27 nəfəri öldürüb.
 ABŞ prezidenti Barak Obama keçirtdiyi mətbuat konfransında bildirdi ki, silah satışına nəzarəti gücləndirmək üçün Co Baydenə xüsusi işçi komissiyanı yaratmağı tapşırıb. Obama dedi: “Amerika vətəndaşlarının əksəriyyəti silah saxlama haqqında bir çox qanunun dəyişilməsini istəyirlər. Lakin zorakılığı nəzarət altında saxlamaq üçün silah saxlama haqqında qanunu dəyişmək kifayət deyil, çünki zorakılıq artıq cəmiyyətimizin mədəniyyətinin ayrılmaz hissəsinə çevrilib.”
 Amerikadan olan jurnalist Mark Qlenn isə İsrailin Amerikada zorakılıq mədəniyyətini məqsədli şəkildə yaymaq istədiyini yazıb. Aydaho ştatında olan bu jurnalist Press Tv-yə etdiyi açıqlamada, illərdir İsrailin amerikalılar üzərində təsiri və nəzarəti nəticəsində zorakılığın xalq içərisində müqəddəs bir inanca çevrildiyini deyib. Mark Qlenn Amerikada İsraillə bağlı media orqanlarının illərdir xalqı odlu silahlardan istifadəyə təşviq etdiklərini, bu yolla amerikalıları müharibə oyuncağına çevirmək istədiklərini və vaxtı gələndə bu faktordan dinə qarşı istifadə etməyi planlaşdırdıqlarını bildirib. O, Amerika xalqı içərisində zorakılığın öz-özünə ortaya çıxmadığını, əksinə illərdir sionistlərin bu istiqamətdəki davamlı çalışmalarının nəticəsi olduğunu söyləyib.
 ROK- QORXULU SİLAH. Ağır musiqi, o cümlədən, rok satanizmlə sıx bağlıdır. İlk növbədə daha yüngül formalardan başlayıb, cavanların düşüncələrinə hakim olandan sonra açıq-saçıq mason və satanist ideologiyasını təbliğ edirlər. Rok-musiqi açıq-aşkar şeytana ibadət etdiyini söyləyən yəhudi mənşəli Elvis Preslinin adı ilə sıx bağlıdır. Axırda ömrünü artıq doza narkotik qəbul etməklə sona çatdırmış Elvis Presliyə bu gün ABŞ və İsraildə çoxlu abidələr ucaldılmışdır. Başqa bir yəhudi və mason C.Rabinin şüarı bu idi: “Ürəyinin istədiyini et”. O, “Et” adlı kitabında yazır: “Biz gəncliyi, musiqini, seksi, narkotik və üsyankarlıq əhval-ruhiyyəsini xəyanətlə elə bir-birinə qarışdırdıq ki, daha bunları ayırmaq mümkün deyil”.
 Artıq rok musiqinin tərbiyə etdiyi gənc nəsil dedikdə cırılmış cins geyinmiş və əcaib-qəraib saç düzümlü bitçiləri (beat generation), məhəbbət dedikdə iki homoseksualist arasında çirkin əlaqəni, azad gənc dedikdə dini və mənəvi dəyərlərə lağ edən, amma eyni zamanda dəqiq hazırlanmış proqram əsasında idarə olunan bədbəxt varlıqlar nəzərdə tuturlur. Gəncləri necə idarə etmək proqramlarını əsasən ABŞ-da müəyyən dairələr hazırlayır və həyata keçirdir. Məsələn, Tavistok və Stenford Təhqiqat Mərkəzi. Bilderberq klubu isə 1954-cü ildə dünya hakimiyyətinə çatmaq üçün “Sakit müharibələr üçün səssiz silahlar” planını hazırlamışdır. Bertram Qross özünün “Mehriban faşizm: Amerikada hakimiyyətin yeni üzü” kitabında bu məsələyə toxunur. O, bildirir ki, Qərb siyasi elitası qlobal mass-media sənayesini idarə edir. Hiyləgər Tavistok təşkilatı çoxlu ziyalı zombiləri televiziyada yerləşdirilən səthi informasiyalar vasitəsilə ələ keçirir. Bunu da demək lazımdır ki, Qərbin apardığı səssiz müharibənin ən fəal “əsgəri” MTV musiqili əyləncə kanalı hesab olunur. MTV dinləyiciləri cəlb etmək məqsədilə müxtəlif musiqi növlərini təqdim etməklə yanaşı, gizli Qərb təşkilatlarının, xüsusilə Tavistokun hazırladığı musiqiləri də təqdim edir. Əlbəttə ki roka və digər ağır musiqi növlərinə xüsusi qiddət ayırırlar. Bu kanalın əsas vəzifəsi cəmiyyətin hiss etməyəcəyi bir şəkildə cavanları idarə etmək və onları cəmiyyətə qarşı qoymaqdır. Anna Kaplan yazır: “MTV kanalı psixoloji manipulyasiyalar metodu haqqında biliklərin əsasında yaradılmışdır”. Vulf isə yazır: “Yaxşı nəticə ələ gətirmək üçün valideynlərin və məktəbin müsbət təsirlərini yoxa çıxartmaq, yaxud azaltmaq lazımdır”.
 Ağır musiqidən silah kimi xüsusilə keçən əsrin 60-cı illərində müsəlman ölkələrində ABŞ və İsrailin vəhşiliklərinə qarşı çıxışlar olan vaxt istifadə olunmuşdur. Psixoloqlar müəyyən ediblər ki, qəfildən səslənən rok, tvist və s. ağır musiqi nümayişə çıxmış tətilçilərin diqqətini yayındırır, onlar mütəşəkkil hərəkət edə bilmir və dağılışırlar. Todd Con “Şeytanın qandallarında” kitabında rok haqqında deyir: “Hər kəs ki hövsələsini basıb musiqinin mətnini araşdırsa, onların eyni tipli olması qənaətinə gələr. Valideynlərə, cəmiyyətə, bütün mövcudlara qarşı müqavimət. Bütün seksual meyllərin insanda azad olması anarxiyanın yaranması üçün əsas şərtdir. Bu da öz növbəsində satanizmin (şeytanpərəstlik) ümumdünya hakimiyyətinə şərait yaradır”.
 Liberal düşüncəli Bertran Rasselin sionizmin və masonların ümumdünya hakimiyyətini qurmaq yolunda “özününkülərinə” verdiyi məsləhətlərdən biri də fasiləsiz olaraq bəzi sözlərin mahnıda təkrarı və musiqi vasitəsi ilə insanlarda qul psixologiyasını formalaşdırmaqdır. Bu gün dünyada təbii sərvətləri ələ keçirmək ücün onlara mane olan, zülmə qarşı mübarizəyə çağıran dinlərlə ölüm-dirim savaşına qalxmış Qərb öz yerli nökərləri vasitəsilə musiqini, açıq-saçıqlığı, pornoqrafiyanı cavanlara mənəviyyat və dinin əvəzedicisi kimi təqdim etməyə çalışır.

İbrahim Sel                             (Ardı var)

Комментариев нет:

Отправить комментарий