DONALD RAMSFELDDƏN AYƏTULLAH SİSTANİYƏ İFTİRA

Şeyx Məhəmməd Mosuli: "Bu məlumat dezinformasiyadır və din alimlərinə qarşı təxribat planının tərkib hissəsidir"

FaktXeber.com-un verdiyi məlumata görə, ABŞ-ın keçmiş müdafiə naziri Donald Ramsfeld, qələmə aldığı kitabında nüfuzlu şiə alimi Ayətullah Seyyid Əli Sistani barədə dezinformasiyaya yol verib. Corc Buşun prezident olduğu müddətdə müdafiə naziri olan Ramsfeld, İraqın işğal edilməsi zamanı Ayətullah Sistani ilə anlaşdığını öz kitabında iddia edib. Dünyada tanınmış və çox sevilən alim olan Ayətullah Sistani barədə gedən yalnış məlumat isə, qərbyönümlü agentliklər tərəfindən böyük maraqla qarşılanıb. Kütləvi İnfomasiya Vasitələri məsələyə o qədər ciddi önəm verib ki, hətta alimin adından sorğuya cavab verilən saxta məktub da hazırlanıb. Məktubda isə Ayətullah Sistaninin ABŞ qoşunları İraqa daxil olarkən buna qarşılıq fətva vermədiyi, əvəzində isə 200 milyon ABŞ dolları aldığı öz əksini tapıb. Mövzu ilə bağlı İraqın tatnmış alimi Ayətullah Sistaninin Moskvadakı nümayəndəısi şeyx Məhəmməd Mosuli ilə əlaqə saxladıq və ondan bu məsələyə münasibıət öyrəndik. Nüfuzlu müctəhidin nümayəndəsi isə bu məlumatı tamamilə yalan olduğunu bildirdi. "Bu sözlərin əsassız və yalan olması açıq-aşkar görsənir. Böyük alimə iftira atılır və onu nüfuzdan salmaq istəyirlər. Çox gülünc iddiadır ki, Ayətullah Sistaninin kimdənsə 200 milyon ABŞ dolları aldığı iddia edilir. Bu məlumat dezinformasiyadır və din alimlərinə qarşı təxribat planının tərkib hissəsidir. Deyə bilərəm ki, Ayətullah Sistani hətta bir dəfə olsun belə, hər hansı bir qərb, xüsusilə ABŞ nümayəndəsi ilə görüşə razılıq verməyib. Hətta Amerikanın iki prezidenti Corc Buş və Barak Obama Ayətullah Sistani ilə dəfələrlə telefon ələqəsi yaratmaq istəsələr də, nüfuzlu alim onlara rədd cavabı verib".