29.04.2011

Səlim Babullaoğlu yeni kitabını təqdim etdi


Səlim Babullaoğlu yeni kitabını təqdim etdi
Azərbaycan Yazıçılar Birliyinin Natəvan Klubunda şair Səlim Babullaoğlunun “Ədəbi söhbətlər” kitabının təqdimat mərasimi keçirildi. Tədbiri qurumun gənclər üzrə katibi Rəşad Məcid açdı. O, tədbir iştirakçılarını salamladıqdan sonra müəllifin yaradıcılığından qısaca bəhs etdi. 
Daha sonra söz alan yazıçı Əjdər Ol kitabı yüksək qiymətləndirdiyini bildirdi. Onun sözlərinə görə burada yer alan müsahibələr yalnız jurnalistika baxımından deyil həm də ədəbiyyat nöqteyi nəzərindən böyük əhəmiyyət kəsb edir. 

“Ulduz” jurnalının redaktoru Elçin Hüseynbəyli şairə kitaba görə təşəkkürünü bildirdi və onun yaradıcılığında müvəfəqiyyətlər arzu etdi.
Rejissor Oqtay Mirqasımov kitabın Azərbaycan dilində bu cür kitabın nəşrini yaxşı hal kimi dəyərləndirdi. “Mən rusdilli sayılıram. Ancaq bu kitabı böyük maraqla oxuyacağıma inanıram”

Şair, tərcüməçi Çingiz Əlioğlu kitabdakı müsahibələrdə konfiliktlər olduğunu bunun da müəllifin hadisələrə öz düşüncə tərzi ilə yanaşdığını göstərdiyini qeyd etdi.

Daha sonra şair Əlisəmid Kür, Rafiq Haşımov, Məqsəd Nur çıxış edərək kitab haqqında yüksək fikirdə olduqlarını bildirdilər.
Tədbirin sonunda Səlim Babullaoğlu gələnlərə təşəkkürünü bildirdi. Tədbir müəllifin oxucularına yeni kitabını imzalaması ilə başa çatdı.
Qeyd edək ki, Şair-tərcüməçi Səlim Babullaoğlunun SalamNews-a verdiyi məlumata görə, kitabda Orxan Pamuk, Çingiz Bektaş, Ənvər Ərcan, Yasəmin Bayer, Rimma Kazakova,Yuri Polyakov ,Rza Bərahəni, Eyvaz Taha, Larisa Kadırova, Dalmira Tilepbergenov, Şota İataşvili ilə söhbətləri toplanıb.

Bundan başqa, yazıçılar - Anar, Əkrəm Əylisli, Əjdər Ol, Əlisəmid Kür, Çingiz Əlioğlu, Ədalət Əsgəroğlu, İmir Məmmədli, Nigar Həsənzadə, Yavuz Cəlil, Adil Mirseyid Rasim Qaraca və mədəniyyət və turizm naziri Əbülfəs Qarayev, xalq artisti Oktay Mir Qasım, bəstəkar Fərəc Qarayevlə müsahibələri də "Ədəbi söhbətlər" kitabına daxil edilib.

Комментариев нет:

Отправить комментарий