"İsrailin 7 təyyarəsini son döyüşdə vurduq..."

Mahmud Zahar İsraillə son döyüşlə bağlı mətbuata açıqlanmayan açıqlamalar verib

İslamazeri.az-ın Fələstin mediasına istinadən verdiyi xəbərə görə,  HƏMAS liderlərindən olan Mahmud Zahar İsraillə son döyüşdə "İzzəddin Əl Qəssam" briqadası tərəfindən 7 İsrail qırıcısının vurulmasını önə çəkib.
"Fəcr 5" raketlərinin İsrail üçün gözlənilməz acı syurpriz olduğunu önə çəkən HƏMAS lideri, komet raketlərinin isə İsrailin quru əməliyyatını keçirməsinə mane olduğunu bildirib.
Zahar HƏMAS müqavimətinin əlində olan İran silahlarının müharibənin gedişatını dəyişdiyini də açıqlamasında qeyd edib.
Sözlərinin sonunda HƏMAS lideri 8 günlük müharibədə fələstinlilərin 170 itki verdiyini, onun da 30 nəfərinin müqavimətin döyüşçüsü olduğunu bildirib.