Süpürgəçisi ayda 5 min dollar alan ölkə hansıdır?

Norveçin paytaxtında yaşamaq heç ucuz deyil. Osloda restoranda bir pay yemək 43 dollara başa gəlir. Bir kq düyü 5.66 dollar, bir dozen (12 ədəd) yumurta 6.72 dollardır. Osloda teatr, film, kino zallarının biletlərinin qiymətləri təxminən 16 dollardır.
Düzü, bu qiymətlər Azərbaycan qiymətlərindən dəfələrlə bahadır. Ancaq nəzərə almaq lazımdır ki, həmin ölkələrdə maaşlar da yuxarıdır. Adi bir müqayisə aparaq. Azərbaycanda süpürgəçilərin əməkhaqqı 120- 250 arasında dəyişir. Ən yüksək maaş alan "Bulvar" süpürgəçiləridir ki, onlar da 281 manat əməkhaqqı alırlar, özü də bazar günü olmadan və səhərdən axşama qədər işləməklə.Oxuculara maraqlı olar deyə Osloda süpürgəçilərin maaşlarını araşdırdıq. Bu şəhərdə minimal maaş süpürgəçi-zibildaşıyanın qazandığı maaşdır ki, bu da ayda 4-5 min dollardır.
Əlbəttə, bu qədər maaş alan işçi yuxarıdakı qiymətlərlə rahat dolana bilər. Bizim ölkədən fərqli olaraq. Sadə bir misal çəkək. 200 manat maaş alan Bakı süpürgəçisi ayda 1.5 manatlıq düyüdən 134 kq ala bilər. Ancaq Oslo süpürgəçisi isə ayda 5 min dollarlıq maaşla 5.66 dollarlıq düyüdən 890 kq alır.ABŞ-da süpürgəçilər isə ayda 1200 dollar qazanır. Orada isə düyünün qiyməti 1.9 dollardır. ABŞ süpürgəçisi isə ayda belə düyüdən 630 kq ala bilir.
Əlbəttə, heç kim bir ayda 630 kq, 890 kq düyü almır. Bunlar sadəcə xarici ölkələrdə və Azərbaycanda əməkhaqları ilə qiymət nisbəti idi.
 
                                                                                                     deyerler.org