26.07.2014

GÜNAHA MƏN SƏNDƏ NİYƏ AXTARIM?

İsmixan Kazımov

Sevdim, o sevgini səndə görmədim,
İstədim, nazını ala bilmədim.
Taleyin yazısı- budur qədərim
Günahı mən səndə niyə axtarım?

Bu eşqin bağçası qışlı-boranlı,
Yazı çən gətirdi, üzü dumanlı.
Nə günəş alovlu, nə ay işıqlı
Olmadı, ziyasın görə bilmədim
Günahı mən səndə niyə axtarım?

Ömür yollarımız hey calaq-calaq
Söz sözə yükləndi hey qalaq-qalaq.
Sən hakim, mən şahid- necə dayanaq?
Sevdim, ürək dolu heç sevilmədim
Günahı mən səndə niyə axtarım?

İsmixan, üz-üzə açıq danışaq
Nə şikayət edək, nə yazıq düşək.
Köçüb bu dünyadan, təzədən gəlsək,
Sevəcəm mən səni- budur günahım
Günahı mən səndə niyə axtarım?

Комментариев нет:

Отправить комментарий