Elə beləsinə...

Xosrov Barışan

Nə işsiz qalıb

 Pulsuz olduğuma görə,

Nə sevgilimin

 Məni pula satıb

  Tərk etdiyinə görə,

Və nə də;

  Ömür boyu

          Zindana

           Düşdüyümə görə,

Yo...ox

 Elə beləsinə

  İntihar etmək istədim,
Düz;

 Haqqları yeyilənlərin,

 Sevgi görməyənlərin,
 və isyanları boğulanların

     Həyata bağlandıqları tək!!!

  

SOLMAZA...

  

İlk dəfə;

 Belə baxıram!

Günəşə

  Teleskopdan baxan kimiyəm!!!

Milyardlar,
  Tilyardlar il geçsə belə

                        Arxayınam

                          Günəş sönməyəcəkdir.

Qısqanıram.

Gözlərivə baxıram.

 Gecəylə barışıram.

   Yolumu tapmalıyam,
    Ulduzlar solmağa başlayır ah...

Solsunlar,
   Solsunlar...

          Bəh-bəh.

Nədənsə sənə şeir qoşanda

   Zibil qabılar da belə bəzənir!!!

Yerikləyib

  Ömrümü doğuram.

İrmisəggiz il

   Oxumayır sürətdə trafiklər!

Gözlərindən

   Baxa bilirəm adamlara.

Gözlərinlə

  Baxa bilirəm adamlara.

            İnsanlığı anlayıram.

Taksidə oturmuşuq,
   Sənə sən tək baxıram.

Əllərin əllərimdə,

Saqın...

 Əllərimdə parazitlər,

       Düşməsin əllərivə.

Əllərin bum-buz ah.., əllərin qar kimi!!!

  Dəli-dəli əyilib soyuğu öpmək istəyirəm, bəh-bəh...