Rafiq Tağıya...

Sayman Aruz

Ürəyimin dolusu qədər kədərlə...

Ququşun* ayrılıq mahnısındayam

Ayrılıq, ayrılıq, aman ayrılıq!

Dostumu itirmək qorxusundayam

Ayrılıq, ayrılıq, yaman ayrılıq!

Qızmışam vodkadan, müharibədən

Keçmişdən nə qaldı? Başım ağrıyır...

-Sonunda səndən bir, inqilab doğar...

Xəyanət utanır, üzün bağlayır.

Diskolar bağlnır, məscidlər amma...

Küçələr gecələr biçaqlanırlar!

Ağrımı kəsməyir demokratiya

-Bağışla, cibində Nurofenin var!?

Bıçaqın yerləri, hər gecə, hər an

Açıq araq kimi, yandırı səni.

Cəbhədə bir əsgər özün öldürür

Küçədə bir oğraş, satır Vətəni.

Şəhərdə qar yağır, qəlbimdə kədər.

Qəbrinin nümrəsi, neçəydi dostum?

Azanın səsiylə boğuluram mən...

Söylə haçan idi, gecəydi dostum?

Beynimin içində, titrəyir adın

Cılız çəfiyələrin* çoxalmasında.

Yolların hamısı, səndə bitirdi

Arxanca gəldim mən, gec idi amma...

1- Ququş: Ayrılıq mahnısını oxuyan iran Azərbaycanlısı

2- Çəfiyə: fələstin və iranda dinçilərin boynularına bağladığı yaylıq!