Unudulmuş dil

Şel Silverşteyn

Bir vaxt vardı danışardım çiçəklərin dilində,
anlayardım kəlmə-kəlmə dediyini tırtılın
Xısın-xısın gülümsərdim, bir vaxt vardı,
qəfildən              
eşidəndə qeybətini ürkək sığırçınların 
Bir vaxt vardı..
baş qoyunca yastığıma,
hər gecə              
bölüşərdim sevincimi, nisgilimi milçəklə..
Toplaşaraq yatağımın dörd yanına,
ah necə
sevinərdi hər suala cavab alan sisəylər!..
Bir vaxt vardı..      
qar yağardı..            
naçar dənəciklərin                        
hər ölümə enişində mən də haray çəkərdim!..
Bir vaxt vardı danışardım dilində çiçəklərin..
Necə oldu unutdum bəs?!
Necə oldu?!..
bilmədim!

Tərcümə: Roman Məmmədov