Rusiya Prezidentinin atdığı atdımlar məhz QƏRBƏ DAYAN DEMƏKDİR

Rəhim Həsənov
Azərbaycan Kommunist Partiyası

Salam, hörmətli FB əhli! 2 saat qabaq mənə bir gənc FB əhlindən mesaj gəlmişdir:
-Salam, Rəhim müəllim. AKP-nin Rusiyaya yazdığı məktubun tam mətni və məqsədi nədir? Alternativ və qərəzli mənbələrdən deyil, sırf sizdın eşitmək istərdim. Bu etdiyiniz satqınlıq deyilmi?

Müraciətinə görə təşəkkür. Çox maraqlı müraciətdir 20 yaşlı gənc üçün. Ona görə də ona- Cəlal H-liyə verəcəyim cavabı sizinlə də bölüşmək istədim:
-Dostlar! AKP Putina göndərdiyi məktubda heç bir məqsəd güdməmişdir. Çox əfsuslar ki, mətnin dərinliyinə varmadan xoruz necə ki, hər səhər banlamağa adət etmiş, bu adını müxalifət qoyan azadlıq fədailəri də Kommununist adı gələndə o saat banlamağa başlayırlar.
Bunun gənc dostumuza aidiyyatı yoxdur. O sadəcə digər fikirləri təkrarlamışdır.
Zürafə başını kolluğa soxanda arxada nə baş berdiyini görmür; elə bilir ki, artıq gizlənib və onu heç kəs görmür. Necə olur ki, müxalifət NATO-nu Bakıya dəvət edəndə hamı susur? İsa gedib Ukraynada çıxış edəndə hamı heç danışmır? Qərbin pulları hesabına şüvənliklər edəndə hamı əl çalır. Artıq Qərbin dövlətlərdə törətdikləri bütün dünyaya bəllidir. Demokratiya adı altında xalqları qırır və hər şeyi də xalqın üstünə atır! Artıq hamı cana doymuşdur. 
Ukrayna hadisələri bu günün söhbəti deyildir. Neçə illərdir buna hazırlıq gedir. Odur ki bu gün Rusiya Prezidentinin atdığı atdımlar məhz QƏRBƏ DAYAN DEMƏKDİR. BİZ DƏ BU ADDIMLARI XALQLARIN MƏNAFEYİNƏ UYĞUN OLDUĞU ÜÇÜN DƏSTƏKLƏYİRİK.
Kimin xoşu gəlmir, dünəndən gəlməsin. Sizin isə, cavan dost, tanımadığınız insanlara qarşı başqalarının ağzından düşmüş sözlərlə təhqir etməyə mənəvi haqqınız yoxdur. SATQINLARIN KİM olduğunu araşdırın və sonradan da bu sözdən istifadə edin. Yəqin ata babalarımız 1941-45-ci illərdə Vətən uğrunda döyüşərkən SATQINLIQ etmişlər. Cəlal, yaşına görə fikir yürüt. Özü də tez coşma. Biz haqq ədalət uğrunda mübarizə aparırıq ki, sizin və sizlərin övladlarınız firavan həyat sürsünlər. Yəqin ki, siz çox firavan dolanırsız. Hər işiniz yaxşıdır. Demək onda belə düşünə bilərsiz. Millətin necə tarac olduğu sizləri narahat etmir.

Dostlar! Bilmirəm bunu yazmaqla düzmü etdim, ya yox? Ancaq son günlər Azərbaycan Kommunist Partiyasının Putinə məktubu ətrafında yaranmış çalxalanma niyə görə çoxlarının qarnına ağrı salıb? Bəlkə SİZLƏR DEYƏSİZ???