Daha gecdir…

Dilqəm Əhməd

Daha gecdir

Deyəcəyin söz, atacağın addım aydındır

Getmən üçün klassikləri oxumama gərək yox

Ədəbiyyat olmadan da, ayrılıqları anlamaq olur

Surətləri görmək üçün bəstəkar təxəyyülünə sığınmağa gərək yox

Çox asandır

Danışma mənə Freydin zəvzək sözlərini

Özünü ağıllı göstərib, həyatın davam etdiyini

bir daha sevəcəyimi söyləmə

yalançı olma, gerçəyi söylə üzümə

gerçək yüzlərlə səhifəlik ovundurucu yalandan daha asandır

ağacın saralan yarpaqları səndən daha cəsarətlidir

vicdan əzabı çəkəcəyini söyləyib, məni güldürmə

ayrıldığımız anda salisələr keçməmiş vicdanın yox olacaq

özünə təsəlli verəcəksən

məcbur olmadığına qərar verəcəksən

günahkar bilməyəcəksən

ona görə söylə, daha gecdir…