Biabırçılığa son qoyuldu!

Professional Oxucu Liqası Azərbaycan xalqını təbrik edir: 

Biabırçılığa son qoyuldu- 

“Onun yarısı” verilişi dayandırıldı!                  
 
ATV telekanalında yayımlanan, "Tük axtaran Zaur" kimi ad çıxarmış Zaur Baxşəliyevin aparıcısı olduğu, pozğunluğu yayan “Onun yarısı” verilişinin efir fəaliyyəti dayanıb. Bəzi saytlarda yayılan xəbərlərə görə, fəaliyyəti dayandırılan veriliş təkcə “Onun yarısı” olmayacaq. Əyləncəli digər verilişləri də bağlanmaq təhlükəsi gözləyir. Hətta kanalda bəzi islahatlara da başlanılıb. ATV bundan sonra ciddi verilişlərin məkanı olacaq. İslahatlar verilişlərlə yanaşı aparıcılara da şamil olunacaq.

Milli.az saytının məlumatına görə, bağlanılması gözlənilən verilişlər sırasında Dilarə Əliyevanın aparıcısı olduğu “Burada və indi” adlı proqramın da yer aldığı deyilir. Həmçinin bəzi məlumatlara görə, “Sən tək deyilsən” verilişinin bir müddət yayımı dayandırılacaq və adı dəyişdirilərək “Səni axtarıram” olacaq. Hazırda isə həmin verilişin çəkilişləri dayandırılıb. Bağlanması gözlənilən verilişlərdən biri kimi “ATV maqazin” verilişinin də adı çəkilir.