Pəncərə

Sayman Aruz

Səndən yol çəkmişəm pəncərəmizdə

Hər gün pəncərədə yol gedirəm mən.

Pəncərə divarın inqilabıdır

Mənsə pəncərənin dalında gəzən.

Oturub radiyonun dalğalarında

Səni mahnılarla dodaqlayıram.

Sənə darıxıram yorqanın altda

Və alt paltarını qucaqlayıram.

Bilmirəm nədəndir sən olmayanda

Bütün pəncərələr divarlanırlar.

İndiki sevgilər mahnılar kimi

Hər gün radiyolarda təkrarlanırlar.

Bütün dastanların pis adamıydım

Özümü çəkmişdim sənin darına.

Bağşla diktator bağrımı kəsdi

Bağışla səpildim divarlarına.

Diksinir hər gecə yuxuda kimsə,

Çırpınır başında saksafon, fülut.

Qucağın hardadır? Üşüyürəm mən!

Başağrı, yalvarış, siqaret, süküt.

Yuxudan diksinir: acıdır həyat!

Yuxudan diksinir: qəhər və nəfəs...

Üç noqtə həyatın son noqtəsində

Tərləyir hər gecə, bir yerdə bir səs!

İzlərin dolaşır pəncərəmizdə

Yuxu həbləri də onu silənmir.

Bir nəfər hər gecə darıxır sənə

Yuxlaya bilənmir, yata bilənmir!