Ayətullah Xameneinin internetdən istifadə edə bilməyən din xadimləri haqda fikri

“Din xadimlərinin indiki dövrdə əsas vəzifəsi dinə qarşı düşmənçilik planlarını aradan aparmaq və şübhələri lazımınca cavablandırmaqdır. Bəzi din xadimlərinin komputerdən və virtual aləmdən anlayışı olmaması təəssüf doğurur”.
İslaminSesi khamenei.ir-ə istinadla xəbər verir ki, bunu İslam İnqilabının Ali lideri Ayətullah Seyyid Əli Xamenei ötən gün dini hövzələrdə yeni tədris ilinin başlaması münasibətilə tədris zamanı deyib.
Din xadimlərinin müasir dövrün tələblərinə cavab verən vəsaitlərə yiyələnməsinin və onlardan istifadə etməyin mənimsənilməsinin vacibliyini vurğulayan Ali lider, din xadimləri arasında virtual sahədən istifadə edə bilməyənlərin olduğunu qınayıb.
“Dini məsələləri bəyan etmək və təbliğ zamanı vəzifə tanımaq və zamanı tanımaq iki əhəmiyyətli məsələdir. Əgər vəzifə və öhdəliyin nə olduğu anlaşılmasa təqva, elm, hətta şücaət belə müsbət təsir göstərə bilməyəcək... İndiki zamanda bəsirət cəmiyyətin ehtiyaclarını və reallıqlarını tanımaqdır. Bəsirət budur ki, hazırki gəncin ehtiyaclarının nədən ibarət olduğunu bilək... Düşmən şübhələri istehsal və təbliğ etməklə, həya və iffətə zidd olan məsələləri yaymaqla, mömin və sağlam gəncləri dindən uzaqlaşdırmaq, həya pərdələrini yırtmaq istəyir. Bu gün onlar bunu virtual vəsaitlərlə edirlər... Bu planla qarşılaşmaq üçün ruhanilərin əsas vəzifəsi budur ki, məzhəbin bilici insanları və elmiyyə hövzələri sözügedən hücumun qarşısına çıxmaq üçün öz böyük ordularını hazırlamalıdırlar....”
Bəzi din xadimlərinin yeni komputer texnologiyaları ilə və virtual sahə ilə tanışlığa malik olmamasından gileylənən Ayətullah Xamenei deyib: “Virtual sahə həm mənfi, həm də müsbət tərəflərə malikdir. Onun fürsət və imkanlarından yararlanıb, islamın maarifini geniş şəkildə təbliğ etmək lazımdır”.