PREZİDENTİ GÖRMƏK İSTƏYƏNLƏR ZORLA UZAQLAŞDIRILDI

             Hacı Fəramiz Abbasovun 2 oğlu və bacısı polis bölməsinə aparılıb

Aprel ayının 14-də Azərbaycan respublikasının prezidenti İlham Əliyev Masallıda səfərdə olub. Azərbaycanın televiziya kanallarında geniş vüsət alan koorrupsiyaya qarşı mübarizə və şikayətlərə baxılması xəbərlərindən sonra az da olsa inanan Masallı sakinləri prezidentlə görüşmək istəmiş lakin, buna nail olmayıblar. Prezidentin açılışına gələcəyi Nizami parkı ətrafına toplanan Masallı sakinləri ərazidən məcburi olaraq uzaqlaşdırılıblar.10-15 nəfər saxlanılaraq Masallı polis idarəsinə aparılıb.Saxlanılanlar arasında bu ilin yanvar ayında Masallıda şərlənərək həbs olunmuş Azərbaycanın tanınmış ruhanisi Hacı Fəramiz Abbasovun 2 oğlu və bacısıda olub. Bu barədə Hacı Fəramiz Abbasovun oğlu Kamran Abbasov Masallının Ya Mehdi.az saytına danışıb.